Qazaqstanda jańa kólikterdiń qoljetimdiligin arttyrýǵa baǵyttalǵan jeńildetilgen avtonesıe qaıta iske qosylady
Bul týraly «Habar» telearnasynyń «Bolshaıa nedelá» tok-shoýynyń efırinde QR Indýstrıa jáne ınovasıalyq damý vıse-mınıstri Marat Qarabaev málimdedi, dep habarlaıdy Almaty-akshamy.kz QazAqparatqa silteme jasap.
«ÓKM Operatory» JSHS-nen ókilettikter men aktıvterdi «Jasyl Damý» AQ-ǵa bergennen keıin Úkimet jınalǵan qarajatty azamattardyń kóńilinen shyǵatyndaı jeńildetilgen avtonesıe baǵdarlamasyn qaıta bastaýǵa baǵyttaý múmkindigin zerdeleýde», - dedi vıse-mınıstr.
Ol teńgemen jyldyq 4 paıyzdan aspaıtyn bastapqy jarnasyz avtokólik satyp alý múmkindigi qarastyrylyp jatqanyn aıtty. Sonymen qatar, Qarabaev otandyq avtokólikterdi jeńildikpen satyp alýǵa vaýcherler berý baǵdarlamasyn ázirleý týraly málimdedi. Barlyq jeńildikti baǵdarlamalardyń tizbesi men mazmunyn sarapshylar men jurtshylyqtyń qatysýymen jumys toptary zertteıtin bolady.
Buǵan deıin Qazaqstan Prezıdenti Qasym-Jomart Toqaev Úkimetke avtomobılderden kádege jaratý alymyn óndirip alý boıynsha ÓKM operatorynyń mólsherlemelerin qaıta qaraýdy tapsyrǵan bolatyn.