Almatyda jyl basynan beri 2 myńnan astam áıel koronavırýs pen pnevmonıany juqtyrǵan
Agenttiktiń resmı saýalyna Almaty qalasynyń qoǵamdyq densaýlyq saqtaý basqarmasy 2022 jyldyń 1 qańtary men 24 qańtary aralyǵynda COVID-19-ben aýyrǵandardyń jalpy sany 2173 adamdy quraıtyny týraly jaýap berdi, dep habarlaıdy Almaty-akshamy.kz QazAqparatqa silteme jasap.
«Jalpy, 1257 áıel emdelýde, onyń 1038-i ambýlatorlyq, al júkti 219 áıel stasıonarlyq em alýda. Jańa jyldyń basynan beri júkti áıelder arasynda koronavırýstan qaıtys bolǵandar tirkelgen joq», - dep habarlady vedomstvodan.
Eske salaıyq, megapolıste koronavırýs boıynsha epıdemıologıalyq jaǵdaı turaqty emes. Qazaqstan aımaqtarynda epıdemıologıalyq jaǵdaıdy baǵalaý matrısasyna sáıkes, Almaty 12 qańtardan bastap «qyzyl» aımaqqa kirdi. Almaty ákimi Baqytjan Saǵyntaev koronavırýsqa qarsy ekpe jáne revaksınalaý jumystaryn kúsheıtýdi tapsyrdy. Almatylyqtarǵa arnaǵan sózinde ákim ekpeni keshiktirmeýge, al odan ótken adamdarǵa býsterlik egýdi qoıýǵa keńes berdi.