Ekologıa jáne tabıǵı resýrstar mınıstrligi janýarlarǵa jaýapkershilikpen qaraýǵa qatysty «jedel jeli» jumys istep jatqanyn habarlady.
Janýarlarǵa jaýapkershilikpen qaraý boıynsha «jedel jeli» iske qosyldy, dep habarlaıdy Almaty-akshamy.kz Egemen.kz-ke silteme jasap.
«Janýarlarǵa qytegezdik tanytqan faktiler anyqtalǵan jaǵdaıda +7 (777) 195 99 00 (WhatsApp) nómirine habarlaýdy suraımyz», delingen mınıstrlik habarlamasynda.
2022 jyldyń 1 naýryzynan bastap Qazaqstanda «Janýarlarǵa jaýapkershilikpen qaraý týraly» zań kúshine endi.
Atalmysh zań kelesi prınsıpterge negizdeledi:
- ıesiniń janýardyń ómiri, densaýlyǵy jáne amandyǵy úshin jeke jaýapkershiligi;
- janýarlardy qatygezdikten qorǵaý;
- halyqty janýarlarǵa adamgershilikpen jáne meıirimmen qaraýǵa tárbıeleý.
Sonymen qatar qujatta halyqty janýarlarǵa jaýapkershilikpen qaraý, janýarlarǵa qatygezdikti nasıhattaýǵa tyıym salý turǵysynan oqytý men tárbıeleý qarastyrylǵan.