Birqatar memlekettik qyzmetter men elektrondy servısterdi "e-Salyq Azamat" jáne "e-Salyq Business" mobıldi qosymshalarynan alýǵa bolady.
Salyq jáne keden salalaryndaǵy 15 memlekettik qyzmet túri "eGov mobile" jáne "eGov Business" mobıldi qosymshalarynda qoljetimdi, dep habarlaıdy Almaty-akshamy.kz Qarjy mınıstrliginiń baspasóz qyzmetine silteme jasap.
Onyń ishinde dara kásipkerdiń mártebesin tekserý, salyq eseptiligin qaraý jáne salyqtardy tóleý, dara kásipker retinde qyzmettiń bastalǵany týraly habarlama, jekelegen qyzmet túrlerin júzege asyratyn salyq tóleýshi retinde qyzmettiń bastalǵany jáne toqtatylǵany týraly habarlama jáne t.b. bar.
"Salyq tóleýshilerdiń salyq mindettemelerin oryndaýyn jeńildetý úshin 11 servıs jáne 2 memlekettik qyzmet jumys isteıtin "e-Salyq Azamat" jáne "e-Salyq Business" arnaıy mobıldi qosymshalary jumys isteıdi.
Kásipkerlerge yńǵaıly bolý úshin "Homebank" jáne "Kaspi.kz" qosymshylarynda 910.00 nysany boıynsha salyq eseptiligin usyný, sondaı-aq dara kásipkerdi tirkeý, dara kásipkerdiń derektemelerin ózgertý, salyqtar boıynsha boryshtar, kólik jáne múlik salyǵy, dara kásipker úshin tólemder jáne t. b. sıaqty servıster qosylǵan", - delingen habarlamada.
Aqparatqa sáıkes, birqatar qyzmetter Smart Bridge-ge jáne kgd.gov.kz portalyna shyǵarylǵan.
"Memlekettik kirister organdary jeke jáne zańdy tulǵalarǵa 43 memlekettik qyzmet túrin kórsetedi, onyń 26-sy salyqtyq jáne 17-si kedendik baǵyttaǵy qyzmetter. Búgingi tańda 43 memlekettik qyzmettiń 39-y (nemese 91%) elektrondyq formatqa aýystyryldy", - dep habarlady Qarjy mınıstrligi.