Ótken aptada áleýmettik mańyzy bar azyq-túlik taýarlaryna baǵalar 0,3%-ǵa, jyldyq mánde 23,6%-ǵa kóterildi.
Mundaı málimetti Ulttyq statısıka búrosy keltirgen, dep habarlaıdy Almaty-akshamy.kz.
«Áleýmettik mańyzy bar azyq-túlik taýarlarynyń tizbesine 19 ataý kiredi. Baǵa ózgerisi týraly kórsetkishter apta saıyn jańaryp otyrady. Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady. Ol úshin eldi mekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, komýnaldyq bazarlar, áleýmettik dúkender men pavılondar) tańdalady», – delingen habarlamada.
QR boıynsha áleýmettik mańyzy bar keıbir taýarlardyń ortasha baǵasy /2023 jylǵy 14 aqpan/:
Sút 2,5% – 353 tg/l
Qant – 459 tg/kg
Sábiz – 152 tg/kg.
Elimizde ınflásıa qarqyny údeı tústi. Ulttyq banktiń málimetinshe, 2023 jylǵy qańtarda eldegi jyldyq ınflásıa 20,7%-dy (2022 jylǵy jeltoqsanda – 20,3%) qurady. Óńirler boıynsha 19 oblysta ınflásıa údep, tek 1 oblysta ǵana (Qaraǵandy oblysy) báseńdegen.