Bıyl búdjette jylý jelilerin jańartýǵa qarjy qarastyrylady.
Óńirlerde jelilerdiń tozý deńgeıi 50 paıyzdan asady. Keıbir aımaqtarda bul kórsetkish 80 paıyzdan asyp ketken, dep habarlaıdy Almaty-akshamy.kz.
Búgin óńirlerdi damytýǵa arnalǵan Parlamenttik tyńdaýda osy sekildi qordalanǵan máseleler taǵy bir pysyqtaldy.
"Qabyldanyp jatqan sharalarǵa qaramastan, óńirlerde ınfraqurylym máselesi ózekti bolyp tur, - dedi Senat tóraǵasy. - Ekibastuz, Rýdnyı, Rıdder qalalaryndaǵy apat - osynyń aıqyn dáleli. Ekibastuz — Aǵadyr jelisindegi apattyń saldarynan birden 6 oblysta elektr qýatyn berý kólemi shekteldi. Ókinishke qaraı, bul apattar kezdeısoq bolǵan joq. Bul - osy saladaǵy qordalanǵan júıeli problemalardyń kórinisi".
Jalpy, elektr stansalarynyń negizgi qondyrǵylarynyń tozýy 57 paıyzǵa jetken. Al jekelegen óńirlerde bul kórsetkish odan da asyp ketken.
«Shyn máninde, qýatty óńirler - elimizdiń áleýmettik-ekonomıkalyq ál-aýqaty men básekege qabilettiliginiń negizi. Memleket basshysy únemi osy qaǵıdaǵa basa mán berip keledi. Sondyqtan óńirlerdiń teńgerimdi damýyna yqpal etý Senattyń basym mindetteriniń biri dep belgilep otyrmyz», - dedi QR Parlamenti Senatynyń Tóraǵasy Máýlen Áshimbaev.