İ toqsanda áýe kóligimen 2,7 mln jolaýshy tasymaldandy
2023 jylǵy naýryz aıymen salystyrǵanda sáýirde áýe bıletteriniń quny 17,7%-ǵa qymbattaǵan. Bul málimetti Ulttyq statısıka búrosy usyndy, dep habarlaıdy Almaty-akshamy.kz.
Áýe kóligimen tasymaldaýdan túsken kiris birinshi toqsanda 151 mlrd teńgeni qurap, ótken jyldyń sáıkes kezeńimen salystyrǵanda 1,5 esege kóbeıdi.
Aıta keteıik, jolaýshylar tańdaǵan eń tanymal baǵyt – Almaty qalasy boldy, onda İ toqsanda 893 myń jolaýshy tasymaldanǵan, odan keıin jolaýshylar elordaǵa jıi ushqan – 722 myń jolaýshy, úshinshi tanymal baǵyt Shymkent qalasy – 268 myń jolaýshy.
Ulttyq statısıka búrosynyń málimetinshe, bıylǵy İ toqsanda áýe kóligimen 2,7 mln jolaýshy tasymaldandy.
2023 jyldyń qańtar-naýryz aılarynda áýe kóligimen tasymaldanǵan jolaýshylar sany 2 724 myń adamdy qurady. Bul kórsetkish 2002 jylǵy tıisti kezeń kórsetkishinen 39,5%-ǵa artyq. Osylaısha, jolaýshylar aınalymy 2022 jylǵy qańtar-naýryzben salystyrǵanda 1,7 esege ósip, 5 513,6 mln p-km qurady.