2024 jylǵy 1 maýsymdaǵy málimet boıynsha Qazaqstanda 5,5 mıllıon avtokólik tirkelgen
Bul ótken jylmen salystyrǵanda 12,3%-ǵa artyq. Olardyń ishinde 4,8 mıllıon jeńil avtomobılder, 540,8 myń júk kólikteri, 114,1 myń avtobýstar, dep habarlaıdy aqshamnews.kz.
Qozǵaltqysh kólemi 1500-den 2000 kýb. sm. deıingi avtokólikter sany 2,1 mıllıondy quraıdy, 1500 kýb. sm. deıin — 913,3 myń, 2000-nan 2500 kýb. sm. deıin — 868,1 myń, 2500-den 4000 kýb. sm. deıin — 775,7 myń, al 4000 kýb. sm. astam — 541 myń.
4,5 mıllıon avtokólik benzınmen, 411,8 myń aralas otynmen, 390,3 myń dızelmen, 13,4 myń gazben, 10,3 myń elektr qýatymen júredi.
Jasy 20 jyldan asqan avtokólikter sany 2,5 mıllıonǵa jetken (ótken jylmen salystyrǵanda 4,9%-ǵa ósken), al jasy 10-nan 20 jylǵa deıingi avtokólikter sany — 1,3 mıllıon (birden 17,9%-ǵa ósken). Jasy 3 jylǵa deıingi jańa avtokólikter sany nebári 335,2 myńdy, 3-ten 7 jylǵa deıin — 670,2 myńdy, 7-den 10 jylǵa deıin — 666,5 myńdy quraǵan.