Qazaqstanda kıim óndirisi qundyq mánde on jyl qatarynan ósip keledi: osy jyldyń qańtar-maýsym aılarynda óndiris kólemi 36,7 mlrd teńgege jetti, bul 2023 jyldyń sáıkes kezeńimen salystyrǵanda 11,5%-ǵa kóp (IFO — 103,8%). Aldyńǵy jyly ósim 18,6% (IFO — 102%) quraǵan, dep habarlaıdy aqshamnews.kz.
Ózimizdiń óndiris kóleminiń ósýine qaramastan, Qazaqstandaǵy kıim shyǵarý kólemi suranysty tolyq qanaǵattandyrý úshin jetkiliksiz bolyp otyr. Naryqtaǵy kıimderdiń basym kópshiligi sheteldik óndiris bolyp tabylady.
Mysaly, aǵymdaǵy jyldyń qańtar-mamyr aılarynda trıkotajdan jasalǵan syrtqy kıimderdiń jalpy resýrstarynyń 99,5%-y ımportqa tıesili bolsa, trıkotajdan basqa syrtqy kıim segmentinde ımporttyń úlesi 99,4% qurady. Sondaı-aq, nárestelerge arnalǵan trıkotaj kıimder men aksesýarlar sektorynda ımporttyń úlesi 99,2%-dy qurady, bul kórsetkish svıterler men jempirler segmentinde de osyndaı.
İsh kıimderdiń ımporttyq úlesi 99%-dy, trıkotajdan jasalǵan shulyq buıymdarynyń ımport úlesi 94,7%-dy, al sporttyq kostúmderdiń ımporttyq úlesi 93,5%-dy quraıdy.