Almatyda zańsyz aınalymnan 10 myńnan astam elektrondy temeki tárkilenip, satýshylar men jetkizýshilerge qatysty qylmystyq ister qozǵaldy, dep habarlaıdy aqshamnews.kz.
Bul týraly 16 tamyz kúni Almaty qalalyq Polısıa departamentiniń Krımınaldyq polısıa basqarmasynyń bastyǵy Maksat Kanapáev málimdedi.
«Kıberpol» qyzmetkerleri veıpterdi zańsyz satýmen aınalysqan bes adamdy ustady.
«Zańsyz aınalymnan ártúrli óndirýshilerdiń 10 myńnan astam bir rettik elektrondy temekileri tárkilendi. Árbir jaǵdaı boıynsha tergeý áreketteri júrgizilýde. Satýshylar men osy ónimderdi jetkizýmen aınalysqan tulǵalarǵa qatysty Qazaqstan Respýblıkasy Qylmystyq kodeksiniń 301-1-baby boıynsha temeki shekpeıtin buıymdardy, elektrondyq tutyný júıelerin, hosh ıistendirgishter men suıyqtyqtardy satqany jáne taratqany úshin qylmystyq ister qozǵaldy», — dep málimdedi vedomstvo basshysy.