Elordada «Otan qorǵaýshylar» monýmenti janynda Tuńǵysh Prezıdent – Elbasy atyndaǵy Ulttyq qorǵanys ýnıversıteti ofıserleriniń saltanatty shyǵarylymy boldy, dep habarlaıdy Almaty-akshamy.kz Inform.kz-ke silteme jasap.
Qazaqstan Qarýly kúshteri ofıserlik korpýsynyń qataryn 145 magıstrant tolyqtyrsa, sonyń 22-si bolashaqta Ulttyq ulanda qyzmet atqarady.
«Búgin Qarýly Kúshter qatary Qazaqstannyń eń bedeldi áskerı oqý ornynda oqyǵan kásibı daıyndalǵan ofıserlermen tolyqty. Ofıserler standarttan tys sheshimder qabyldaıtyn joǵary bilikti mamandar ǵana emes, sondaı-aq kúrdeli jaýyngerlik mindetterdi oryndaýǵa, baǵynystylardy ertip, olardyń ómirin saqtap qalýǵa daıyn, antyna adal patrıottar bolýǵa tıis», - dedi Qorǵanys mınıstri, general-polkovnık Rýslan Jaqsylyqov túlekterge arnaǵan sózinde.
Quqyqtyq tártip áskerleriniń 22 áskerı qyzmetshisi «Ulttyq ulandaǵy menedjment» bilim berý baǵdarlamasy aıasynda tórt biliktilik boıynsha oqytýdan ótti: «UU jedel-taktıkalyq basqarmasy», «Azamattyq qorǵanystyń jedel-taktıkalyq basqarmasy», «UU tárbıe jáne ıdeologıalyq jumysyn uıymdastyrý» jáne «UU tehnıkalyq qamtamasyz etýdi basqarý».
Aıta keteıik, Ulttyq ulan fakúltetiniń túlegi, maıor Maqsat Muqaev oqý barysynda osy JOO-nyń barlyq túlekteriniń arasynda eń kóp bal jınaǵan. Aldaǵy ýaqytta túlekter alǵan bilimderin Ulttyq ulannyń áskerı bólimderi men óńirlik qolbasshylyqtarynda is júzinde qoldanatyn bolady.