Qazaqstan United Cup týrnıriniń jartylaı fınalyna alǵash ret joldama aldy
Qazaqstan quramasy aralas komandalyq United Cup týrnırinde tarıhı jetistikke qol jetkizip, jartylaı fınalǵa shyqty, dep habarlaıdy aqshamnews.kz
Shırek fınaldyq oıynda alǵashqy upaıdy Elena Rybakına ákeldi. Ol Germanıa ókili Laýra Zıgemýndty 6:3, 6:1 esebimen senimdi jeńdi.
Kelesi kezekte Aleksandr Shevchenko óner kórsetip, Danıel Mazýrdy 6:7 (5:7), 6:2, 6:2 esebimen utyp, Qazaqstan quramasyn jartylaı fınalǵa shyǵardy. Týrnır Avstralıada ótýde.
Osylaısha, Qazaqstan quramasy ótken jylǵy chempıon Germanıany 2:0 esebimen tize búktirdi. Jartylaı fınaldaǵy qarsylas komanda 4 qańtarda belgili bolady.