Sońǵy táýlikte jedel járdem qyzmetiniń ortalyǵyna halyqtan 27 myńǵa jýyq qońyraý tústi. Onyń 17 myńnan astamy birinshi–úshinshi dárejedegi shuǵyl shaqyrýlar sanatyna kirdi, al tórtinshi dárejedegi shaqyrýlar boıynsha jedel járdem brıgadalary 10 myńnan astam ret shyqty.
Eń kóp shaqyrýlar Almaty oblysynan tirkeldi – 3073. Odan keıin Almaty qalasy – 2800 shaqyrý, Túrkistan oblysy – 2358 jáne Astana qalasy – 1942 shaqyrý.
«Ótken jyldyń 11 aıynda jedel járdem brıgadalary elimiz boıynsha 7,7 mıllıonnan astam shaqyrýdy qabyldady. Onyń ishinde 4,9 mıllıon shaqyrý birinshi–úshinshi dárejege jatqyzyldy, al 2,8 mıllıon shaqyrý tórtinshi dárejege kirip, emhanalar janyndaǵy brıgadalar qyzmet kórsetti. Jalpy shaqyrýlar sanynyń artýyna qaramastan, reanımasıanyń sátti kórsetkishteri jyl ishinde 7,1 %-ǵa ósip, barlyq tirkelgen jaǵdaılardyń 51,7 %-yn qurady», – dep habarlady Densaýlyq saqtaý mınıstrligi.