Qańtar aıynda ótetin Ulttyq biryńǵaı testileýge (UBT) ótinish qabyldaý 30 jeltoqsan kúni aıaqtaldy, dep habarlaıdy aqshamnews.kz
Bıyl testileýge qatysýǵa 167 myńǵa jýyq talapker ótinish bildirgen, bul ótken jylmen salystyrǵanda 31 myńǵa kóp. UBT 13 qańtar men 10 aqpan aralyǵynda ótedi.
Talapkerler ótinish berý barysynda testileý kúnin, ýaqytyn jáne ótkizý pýnktin ózderi tańdady.
Testileý barysynda:
- Kálkýlátor, hımıalyq elementterdiń perıodtyq júıesi (Mendeleev kestesi) jáne tuzdardyń erigishtik kestesi baǵdarlamadan qoljetimdi bolady.
- Test tapsyrǵannan keıin talapkerlerge 30 mınýt ishinde apelásıaǵa ótinish berý múmkindigi beriledi.
- Sertıfıkat apelásıalyq komısıanyń sheshiminen keıin talapkerdiń jeke kabınetinde qoljetimdi bolady.
UBT pánderiniń sany ózgerissiz qaldy:
- Úsh pán – mindetti,
- Eki pán – tańdaý boıynsha.
Jalpy test tapsyrmalarynyń sany – 120.