Qazaqstan Respýblıkasy Syrtqy ister mınıstriniń orynbasary Ermuhambet Qonysbaev Halyqaralyq Araldy qutqarý qory (HAQQ) Atqarýshy komıtetiniń tóraǵasy Asqat Orazbaımen kezdesý ótkizdi.
Kezdesý barysynda taraptar Qazaqstan tóraǵalyǵynyń birinshi jylynyń qorytyndylaryn, Atqarýshy komıtetiniń jumysyn, sondaı-aq Uıymnyń kún tártibindegi ózekti máselelerdi talqylady.
Aral teńizi baseıni elderiniń óńirlik damýynyń sý sharýashylyǵy, sý-energetıkalyq jáne ekologıalyq aspektilerin retteýdegi Qordyń mańyzdy róli atalyp ótti.
Taraptar 2023 jylǵy qyrkúıekte Dýshanbede ótken HAQQ Samıtiniń qorytyndysy boıynsha memleket basshylary qoıǵan mindetter men tapsyrmalardy sheshý, Uıymdy jetildirý prosesin tez arada aıaqtaýǵa járdemdesý úshin barlyq kúsh-jigerin jumsaýdy jalǵastyrýǵa, sondaı-aq belsendi ózara is-qımyl jasaýǵa kelisti.
Atqarýshy komıtetiniń tóraǵasy óz kezeginde Qazaqstannyń tóraǵalyq etý basymdyqtaryn ilgeriletý, óńirlik ekologıalyq jobalar men baǵdarlamalardy iske asyrý, sondaı-aq HAQQ-tyń halyqaralyq baılanystaryn keńeıtý barysy týraly habardar etti.