Saýd Arabıasynyń qasıetti Mekke jáne Mádına qalalaryndaǵy qatty jaýyn-shashyn sý tasqynyn týǵyzyp, úlken apatqa aınaldy, dep habarlaıdy aqshamnews.kz.
«Meteorologıalyq basqarma Mekke, Mádına jáne Djıdda qalalary úshin «qyzyl» deńgeıli qaýip jarıalady. Áleýmettik jelilerde taralǵan beınematerıaldardan qalalardyń kósheleri ózenge aınalǵanyn kórýge bolady. Kóptegen kólik sý astynda qalyp, kúshti aǵyndar kólikterdi aǵyzyp áketip jatty», — dep jazady basylym.
Keıbir kólikter men týrısik avtobýstar joldyń ortasyna tastalǵan. Úlken sý aǵyndary ádette qurǵaq bolatyn tasty aımaqtar arqyly tómenge túsip, jolyndaǵy aǵashtardy, qaldyqtardy, tipti ınfraqurylym nysandaryn shaıyp ketken.
«Bul aımaqta jaýyn-shashyn qys mezgilinde jıi bolady. Degenmen, Mekke men basqa qalalardaǵy kanalızasıa júıeleriniń álsizdigi mundaı jaǵdaılarǵa daıyndyqtyń jetkiliksiz ekenin kórsetti. Saýd Arabıasynyń keıbir aımaqtarynda sáýletshiler HH ǵasyrdyń sońynda aımaqtyń tez damýyna baılanysty nóser jańbyrdyń jıileýin boljaı almady», — dep jazylǵan materıalda.