Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý jańadan taǵaıyndalǵan Japonıanyń Qazaqstandaǵy Elshisi Iasýmasa Iıdjımany qabyldady.
Kezdesý barysynda taraptar ekijaqty jáne kópjaqty yntymaqtastyqtyń qazirgi jaǵdaıy men perspektıvalaryn jan-jaqty talqylap, 2025 jylǵa josparlanǵan bıik jáne joǵary deńgeıdegi ózara saparlar men is-sharalardyń kestesine erekshe nazar aýdardy, dep habarlaıdy aqshamnews.kz Cyrtqy ister mınıstrligine silteme jasap.
Ekijaqty saýda aınalymynyń jáne japondyq tikeleı ınvestısıalardyń eleýli kólemin eskere otyryp,
saýda-ekonomıkalyq yntymaqtastyqty odan ári tereńdetýdiń mańyzdylyǵy erekshe nazarǵa alyndy.
Qazaqstan men Japonıa arasyndaǵy Ekonomıkalyq yntymaqtastyq jónindegi úkimetaralyq jáne jekemenshik sektorlaryndaǵy birlesken komısıasynyń ózara tıimdi seriktestigin ilgeriletýge baǵyttalǵan úlesi atalyp ótti.
Óz kezeginde Ia.Iıdjıma ekijaqty qarym-qatynastardy damytý úshin belsendi ózara yqpaldastyqqa daıyndyǵyn bildirdi.
QR Syrtqy ister mınıstrliginiń basshysy M.Nurtileý Japonıanyń Elshisine onyń Qazaqstandaǵy qyzmetine sáttilik tiledi.