Almatyda Almaty qalasy Bilim basqarmasynyń uıymdastyrýymen Almaty servıs jáne tehnologıalar kolejinde «Stıl sıqyry» atty respýblıkalyq chempıonat ótip jatyr.
İs-shara qyzmet kórsetý salasy kadrlaryn daıarlaý baǵytynda uıymdastyrylyp, sulýlyq pen qyzmet kórsetý ındýstrıasynyń kásibı sheberligin damytýǵa arnaldy. Chempıonat Almaty qalasyn damytýdyń 2025 jylǵa deıingi Jol kartasy men 2030 jylǵa deıingi orta merzimdi perspektıvalardy iske asyrý aıasynda júzege asyryldy.
Chempıonatta qatysýshylar birneshe baǵytta óz sheberlikterin kórsetti. Shashtaraz óneri boıynsha keshki, kokteıldik, úılený shash úlgileri men kreatıvti erler shash sáni usynyldy.
Makıaj óneri boıynsha «Gúlder» taqyrybyndaǵy shyǵarmashylyq beıneler jasaldy. İs-sharaǵa Bilim basqarmasynyń ókilderi, áleýmettik seriktester jáne kolejdiń oqytýshylary men stýdentteri qatysty.
Almaty servıs jáne tehnologıalar koleji bul chempıonattyń uıymdastyrylýynda erekshe ról atqardy. 70 jyldyq tarıhy bar bul oqý orny shashtaraz óneri men sándik kosmetıka baǵytynda kóptegen mamandardy daıarlap shyǵardy. Kolejdiń halyqaralyq deńgeıdegi jetistikteri kóp. Oqý orny «Jas maman» jobasy aıasynda oqý prosesin jańǵyrtty, WorldSkills chempıonattaryna qatysyp, júldeli oryndarǵa ıe boldy, sondaı-aq Fransıa, Italıa jáne Túrkıa sıaqty elderde halyqaralyq taǵylymdamalarǵa qatysty.
Chempıonat barysynda qatysýshylardyń jumystary joǵary baǵalandy. «Stıl sıqyry» chempıonaty jumysshy mamandyqtardyń bedelin arttyrýǵa jáne jastardy kásiptik oqytýǵa tartýǵa baǵyttalǵan mańyzdy is-shara retinde tanyldy. Uıymdastyrýshylar bul chempıonattyń eńbek naryǵynyń talaptaryna saı jańa býyn kadrlaryn daıarlaýǵa úles qosqanyna senimdi.