QURMETTİ AZAMATTAR!
Áleýmettik jelilerde jekelegen tulǵalar Nur-Sultan, Almaty, Shymkent, Aqtóbe, Aqtaý jáne Jańaózen qalalarynyń ákimdikteri a.j. 1 mamyrda Ýkraınadaǵy áskerı is-qımyldarǵa qatysty mıtıńiler ótkizýge kelisim bergen dep jalǵan habarlamalar taratýda.
Atalǵan aqparat shyndyqqa sáıkes kelmeıdi.
Bul kúni ákimdikter eldi mekenderdiń ortalyq alańdarynda «Qazaqstan halqynyń birligi kúnin» merekeleýge arnalǵan mádenı-buqaralyq is-sharalardy ǵana ótkizýdi josparlap otyr.
Budan basqa, mıtıńilerdi uıymdastyrý jáne ótkizý tártibi 2020 jylǵy 25 mamyrda qabyldanǵan «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» Zańmen (budan ári - Zań) retteletinine nazar aýdaramyz.
Jınalystardy, mıtıńiler men pıketterdi uıymdastyrý jáne ótkizý úshin habarlama jasaý tártibi kózdelgen.
Alaıda uıymdastyrýshylar jergilikti atqarýshy organdarǵa joǵaryda atalǵan qalalarda beıbit jınalystardy uıymdastyrý jáne ótkizý týraly tıisti habarlamalar bermegen ne olar boıynsha kelisýden bas tartylǵan.
Osylaısha, osy zań tártibimen uıymdastyrylatyn beıbit jınalystar a.j. 1 mamyrǵa qarastyrylmaǵan.
Tıisinshe, Zańdy (3-baptyń 3-tarmaǵy) buza otyryp júrgizilgen mıtıńilerdi uıymdastyrý jáne olarǵa qatysý quqyqqa qaıshy bolyp tabylady jáne Ákimshilik quqyq buzýshylyq týraly kodekstiń 488-baby boıynsha 25 táýlikke qamaqqa alýǵa deıin ákimshilik jaýaptylyqqa ákep soǵady.
Eger bul áreketter azamattardyń, uıymdardyń, qoǵamnyń nemese memlekettiń quqyqtary men zańdy múddelerine eleýli zıan keltirýmen qatar júretin bolsa, Qylmystyq kodekstiń 400-baby boıynsha qylmystyq jaýaptylyq týyndaıdy, ol 200 AEK-ke deıingi mólsherde aıyppul ne túzeý jumystary nemese 200 saǵatqa deıingi merzimge qoǵamdyq jumystarǵa tartý ne 50 táýlikke deıingi merzimge qamaqqa alý túrindegi jazany kózdeıdi.
Bas prokýratýra azamattardy qoldanystaǵy zańnama normalaryn múltiksiz saqtaýǵa, arandatýshylyqqa boı aldyrmaýǵa jáne zańsyz aksıalarǵa qatysýdan bas tartýǵa shaqyrady.
Quqyq qorǵaý organdary belgilengen tártipke, qoǵamdyq qaýipsizdikke qol suǵatyn kez kelgen quqyq buzýshylyqtyń jolyn kesedi, sondaı-aq olarǵa jol bermeý boıynsha zańda kózdelgen sharalardy qabyldaıdy.