Jaqyn arada óndiristi sýbsıdıalaý artady.
Kelesi aptada, 11 sáýirde Qazaqstannan Reseıge jumyrtqa eksporttaýǵa tyıym salýdy tolyǵymen alyp tastaý josparlanýda, dep habarlaıdy Almaty-akshamy.kz Eldala.kz silteme jasap.
Shekteýler 2021 jyly QR tórt oblysy boıynsha jeke aýlalarda tirkelgen qus tumaýy jaǵdaılaryna baılanysty engizilgen bolatyn.
«Keshe Reseı tarapymen kelissózder júrgizildi. Karantın alynyp tastaldy, qazir biz, Reseı men Qazaqstannyń ýákiletti organdary, kepildik hattarmen almasyp jatyrmyz. Dúısenbiden bastap barlyq shekteýler alynyp tastalady», - dedi OKQ brıfıńinde ASHM Veterınarlyq baqylaý jáne qadaǵalaý komıtetiniń tóraǵasy Asqar Jaqypbaev.
Aýyl sharýashylyǵy mınıstrliginiń derekteri boıynsha, qazirgi ýaqytta Qazaqstannyń qus fabrıkalary jumyrtqaǵa ishki qajettilikti 110% - ǵa qamtamasyz etedi (2020 jyly qus tumaýy tutanýyna deıin qamtamasyz etý 120% bolǵan).
Qus ósirýshilerdi qoldaý úshin Azyq-túlik korporasıasy fabrıkalarǵa jemdik astyqty 115-117 teńge/tonna baǵasymen beredi. Sonymen qatar, jaqyn arada óndiristi sýbsıdıalaý artady.
«Bıyl biz jumyrtqany sýbsıdıalaýǵa oralý týraly sheshim qabyldadyq. 2020 jyly ol qus fabrıkasynyń qýatyna baılanysty 1,5 teńgeden 3 teńgege deıin boldy. Ótken jyly sýbsıdıanyń eń joǵary somasy 1,5 teńgege deıin tómendetildi. Bıylǵy jyly da qus sharýashylyǵynyń jumyrtqa baǵytyndaǵy taýarlyq-spesıfıkalyq sýbsıdıadan bas tartý josparlary boldy. Biraq, qıyn jaǵdaıdy, barlyq quramdastardyń, azyqtardyń ósýin eskere otyryp, qus fabrıkasynyń kólemine qaramastan, sáýirden bastap jumyrtqaǵa 3 teńge mólsherinde sýbsıdıany qaıtarý týraly sheshim qabyldandy. Qazir erejege tıisti ózgerister kelisý rásiminen ótip jatyr, olar bir aı ishinde qabyldanady jáne osy sýbsıdıany tóleý bastalady», - dedi Aýyl sharýashylyǵy mınıstri Erbol Qarashókeev.