Shırek fınaldaǵy qarsylastary keıin anyqtalady.
Qazaqstandyq tenısshiler Andreı Golýbev pen Aleksandr Nedovesov juptyq synda Marrakesh (Marokko) ATP 250 jarysynyń shırek fınalyna shyqty, dep habarlaıdy Almaty-akshamy.kz Olympic.kz silteme jasap.
Týrnırdiń 1-raketkalary bolyp tirkelgen Andreı Golýbev fransıalyq Fabrıs Martenmen birge bastapqy kezdesýin nıderlandylyqtar Tallon Grıkspýr – Botık Van de Zandshýlppen ótkizdi. Tartysty ótken machta birinshi partıada nıderlandylyq jup taı-breıkte sátti oınady – 7:6 (8:6). Ekinshisinde Golýbev pen Marten ese qaıyrdy – 7:6 (7:2). Sosyn sýper taı-breıkte jeńisti julyp aldy – 10:6. Eki saǵatqa jýyq ýaqytqa sozylǵan báseke barysynda qazaqstandyq-fransıalyq jup 2 eıs jasap, 3 breık-poınttyń bireýin paıdalandy. Qarsylastary 3 eıs, 1 breıkpen (2 breık-poınt) kózge tústi.
Aleksandr Nedovesov pákstandyq Aısam Kýreshımen birge dodanyń 2-raketkalary, belgıalyqtar Sander Jılle – Ioran Flıgendi bir saǵattan sál astam ýaqytta 6:3, 6:4 esebimen tize búktirdi. Nedovesov pen Kýreshı 4 eıspen birge 3 breık-poınttyń ekeýin óz esebine jazdy. Belgıalyq jup 4 eıspen shekteldi. Qazaqstandyqtardyń shırek fınaldaǵy qarsylastary keıin anyqtalady.