Almaty qalasynyń Týrızm basqarmasy qonaqjaılylyq mádenıetin nyǵaıtýǵa jáne týrıserge qyzmet kórsetý daǵdysyn jetildirýge baǵyttalǵan fasılıtasıalyq sesıalar serıasyn uıymdastyrdy. Oqytý baǵdarlamasyna qala qyzmetterinde jáne týrızm salasyndaǵy uıymdarda jumys isteıtin 400-den astam maman qatysty.
Baǵdarlama barysynda qatysýshylar zamanaýı fasılıtasıalyq ádisterdi meńgerdi, tıimdi komýnıkasıa, emosıalyq turaqtylyq jáne qonaqtarmen konstrýktıvti is-qımyl daǵdysyn jetildirdi. Alǵan bilim mamandardyń kásibı daıarlyǵyn kúsheıtip, týrıske baǵyttalǵan servısti damytýǵa múmkindik berdi.
Sabaqtar ınteraktıvti formatta ótti: toptyq talqylaýlar, tájirıbelik tapsyrmalar jáne qazaq-orys tilinde aralas komandalarda jumys júrgizildi.
Baǵdarlamany IMPER Group dırektory, basqarý jónindegi konsýltant, kásipkerler men basshylarǵa koých Aleksandr Dýdorov júrgizdi. Ol IAF jáne IFVP halyqaralyq kásibı qaýymdastyqtarynyń múshesi.
Mastercard dereginshe, 2025 jyly qańtar-qarasha aralyǵynda týrıserdiń jalpy qanaǵattaný ındeksi 75%-ǵa jetip, ótken jylmen salystyrǵanda 6,1 pýnktke joǵary boldy. Bul kórsetkish servıstiń sapasyn arttyrý boıynsha júrgizilip jatqan jumystyń ózektiligin kórsetedi.
Fasılıtasıalyq sesıalar mamandardyń kásibı deńgeıin kóterip, Almatynyń ashyq, qonaqjaı jáne týrıser úshin qolaıly qala retindegi oń ımıjin nyǵaıtýǵa yqpal etti.