4–9 jeltoqsan aralyǵynda Almatynyń ADD arenasynda 2010–2011 jyly týǵan jasóspirimder arasynda el birinshiligi ótti.
Týrnırge aımaqtyq irikteý jarystarynda top jarǵan, Qazaqstannyń eń úzdik jas boksshylary qatysyp, chempıon ataǵy men jasóspirimder ulttyq quramasyna irikteý joldamasyn sarapqa saldy, - dep habarlaıdy Aqshamnews.kz.
Jarys boksshylardyń halyqaralyq deńgeıdegi iri starttarǵa daıyndyǵyndaǵy mańyzdy kezeń boldy.
Chempıonat qorytyndysy boıynsha 14 salmaq dárejesinde jeńimpazdar men júldegerler anyqtaldy.
Barlyq salmaq boıynsha jalpykomandalyq esepte Jambyl oblysy birinshi oryn aldy. Komanda 7 medal jeńip aldy: 4 altyn, 1 kúmis jáne 2 qola.
Ekinshi oryn Shymkent komandasyna buıyrdy - 6 medal (3 altyn, 2 kúmis, 1 qola).
Úzdik úshtikti Almaty qalasynyń quramasy túıindedi. Komanda turaqty nátıje kórsetip, 9 medal jeńip aldy: 2 altyn, 2 kúmis jáne 5 qola.