Almaty qalasynyń qoǵamdyq densaulyq saqtau basqarmasynyń málímetínshe, oqıǵa ornyna jedel járdemníń 13 brıgadasy jíberílgen, dep habarlaıdy aqshamnews.kz
"Barlyǵy 52 adam, onyń íshínde balalar zardap shekken. Barlyq nauqas qala statsıonarlarynyń qabyldau bólímderíne jetkízílíp, tekseruden ótkízílíp, qajettí medıtsınalyq kómek kórsetíldí", – dep habarlady vedomstvo.
Basqarmanyń málímetínshe, tekserís nátıjesínde 10 bala auruhanaǵa jatqyzylǵan. Onyń ekeuí jansaqtau bólímínde, qalǵandary profıldík bólímderde em alyp jatyr.
"Qalǵan patsıentterge tekseru men alǵashqy kómek kórsetílgennen keıín tūrǵylyqty jerí boıynsha ambulatorlyq emge jíberíldí. Auruhanaǵa jatqyzylǵandardyń jaǵdaıy dárígerler baqylauynda, barlyǵy qajettí medıtsınalyq kómekpen qamtylǵan", – dedí baspasóz qyzmetí.
Jaǵdaıǵa "Jolaushylar tasymaly" AQ da túsíník berdí. Kompanıya poıyzdyń ózderíne qatysy joq ekenín aıtty.
"Almaty-2 vokzalyna kelgen poıyzdaǵy kómírtegí totyǵymen ulanu oqıǵasyna baılanysty habarlamaǵa qatysty aıta ketsek, Ūlttyq tasymaldaushynyń būl oqıǵaǵa qatysy joq. Ulanu bolǵan poıyz “Jolaushylar tasymaly“ AQ-na tıesílí emes, jeke tasymaldaushyǵa qaraıdy. Vagondar túsírílím júrgízu úshín kınostudıyaǵa berílgen", – dep málímdedí kompanıya.