Búginnen bastap Otbasy bank plasıkalyq operasıalarǵa birjolǵy zeınetaqy tólemderin paıdalaný boıynsha ótinimderdi qabyldaýdy toqtatty.
Buǵan osy baǵyttaǵy ótinimderdiń 130 ese ósýi sebep boldy, dep habarlaıdy Aqshamnews.kz.
enpf-otbasy.kz platformasynda stomatologıa men oftalmologıaǵa zeınetaqy qaldyqtaryn paıdalaný ótinimderin qabyldaý toqtatylǵannan keıin, qazaqstandyqtar jańa maqsatty jappaı tańdaı bastady - operasıadan keıingi tyrtyqtardy jáne týa bitken aqaýlardy túzetýge arnalǵan rekonstrýktıvtik jáne qalpyna keltirý (plasıkalyq) operasıalary.
Otbasy banki mundaı ótinimderdiń sanynyń anomaldy túrde óskenin aıtty. Buǵan deıin bank aı saıyn orta eseppen plasıkalyq operasıalardy tóleý úshin zeınetaqy qaldyqtaryn paıdalanýǵa qatysty 16 ótinimdi qaraıtyn. Qyrkúıekte stomatologıaǵa ótinimder toqtaǵan kezde bul kórsetkish 123-ke deıin, qazanda - 1 844-ke, qarashada - 3 878 ótinimge deıin ósti.
Jeltoqsannyń alǵashqy segiz kúninde, oftalmologıaǵa ótinim qabyldaý toqtatylǵan kezde, plasıkalyq operasıalarǵa birjolǵy zeınetaqy tólemderin paıdalaný boıynsha 2 093 ótinim tústi. Bul ortasha aılyq kórsetkishten 130 ese joǵary.
Jeltoqsan aıyndaǵy ótinimderdiń jalpy somasy 1,8 mlrd teńgeni qurady.
- Azamattardyń zeınetaqy qarajatyn maqsatty paıdalanýyn baqylaý - Otbasy bankiniń mindeti. Plasıkalyq operasıalarǵa degen qyzyǵýshylyqtyń kúrt óskenin baıqaǵan kezde, zeınetaqy qaldyqtaryn maqsatsyz paıdalaný qaýpin kórdik. Sondyqtan bul maqsat boıynsha ótinimderdi qabyldaýdy toqtatýǵa májbúr boldyq, - delingen banktiń habarlamasynda.