12 jeltoqsanda tańerteń jáne kúndiz Aqmola oblysynyń batysynda, ońtústiginde, shyǵysynda qar jaýyp, burqasyn bolady.
Jel ońtústik-shyǵystan soǵyp, ekpini 15-20 m/s bolady, - dep habarlaıdy Aqshamnews.kz.
Astanada kúndiz qar jaýady, boran soǵady.
Qaraǵandy oblysynda qarly boran, kóktaıǵaq bolady. Aımaqtyń ońtústik shyǵysynda kúndiz jel turady.
Kúndiz Atyraý oblysynyń batysynda, soltústiginde, ońtústiginde kóktaıǵaq bolady.
Túnde batysta, soltústikte, Ulytaý oblysynyń ortalyǵynda boran, kóktaıǵaq, kúndiz oblystyń shyǵysynda qarly boran soǵady. Jeldiń ekpini 15-20 m/s-qa deıin jetedi.
Jetisý oblysynda jeldiń ekpini 23-28, keıde 30 m/s asady dep boljanǵan. Túnde jáne tańerteń oblystyń taýly aımaqtarynda kóktaıǵaq, tuman bolady. Oblystyń soltústik-shyǵys jaqtan soqqan jeldiń ekpini 15-20 m/s.
Túnde Aqtóbe oblysynyń ońtústiginde, shyǵysynda kóktaıǵaq bolady.
Soltústik Qazaqstan oblysynda túnde ońtústik-batystan jel soǵady, oblystyń batysynda, soltústiginde, ońtústiginde ekpini 15-20 m/s bolady.
Qostanaı oblysynyń ońtústiginde qar jaýyp, boran soǵady. Artynan kóktaıǵaq bolady. Oblystyń shyǵysyna, ońtústigine tuman túsedi.
Túnde Qyzylorda oblysynyń soltústiginde, kúndiz ońtústiginde kóktaıǵaq boljanǵan. Aımaqtyń biraz aýmaǵyn tuman basady.
Túnde Almaty oblysynyń taýly aýdandarynda jeldiń ekpini 15-20 m/s bolady.
Kúndiz Abaı oblysynyń ońtústiginde, batysy men ortalyǵynda qarly boran soǵady. Jeldiń jyldamdyǵy kúndiz 15-20 m/s.
Túrkistan oblysynyń taýly aýdandarynda kóktaıǵaq boljanǵan. Oblystyń batysynda, ońtústiginde, taýly aımaqtarynda tuman bolady.
Túnde jáne tańerteń Pavlodar oblysynyń batysynda, soltústiginde tuman túsedi.
Batys Qazaqstan oblysynyń batysynda, soltústiginde, ońtústiginde tuman, kóktaıǵaq bolady.
Mundaı aýa raıy Mańǵystaý oblysynyń batysynda, soltústik-shyǵysynda, ortalyǵynda da boljanǵan.
Túnde Jambyl oblysynyń taýly aýdandarynda qar jaýyp, boran bolady. Tuman túsip, kóktaıǵaq bolýy yqtımal. Oblystyń taýly aýdandarynda jeldiń ekpini 15-20 m/s, túnde 23-28 m/s jetedi.
Aıta keteıik, búgin Almaty men Pavlodarda aýa sapasy nasharlaıdy.
https://kaz.inform.kz/news/kar-tuman-koktaygak-elmzdn-barlik-onrnde-dauildi-eskertu-zhariyalandi-3dde80/