Mamandar almatylyqtardy saq bolýǵa shaqyrdy.
Almatydaǵy órt sóndirýshiler 30 naýryzdan bastap jalpy aýdany 8,5 myń sharshy metr bolatyn 25 órt oshaǵyn sóndirýge jumyldy, dep habarlaıdy Almaty-akshamy.kz TJD baspasóz qyzmetine silteme jasap.
Alataý aýdanynda jalpy aýmaǵy 1000 sharshy metr bolatyn qurǵaq shóp órtenip, turǵyn úıge jaqyn ornalasqan qora-qopsyǵa tarady.
«Ójet» jáne «Shalkóde» yqshamaýdanynda jalpy kólemi 1000 sharshy metr bolatyn qurǵaq shóp órtendi. Órt jeke turǵyn úıge jaqyn jerdegi qora-qopsyǵa jaıyldy. Ony joıýǵa 7 tehnıka men jeke quramnan 20-dan astam qyzmetker jiberildi. Órttiń sebebi - ashyq ot kózi», - deıdi Almaty qalalyq TJD baspasóz qyzmeti.
Sondaı-aq, 6 sáýir kúni saǵat 19:50-de Naýryzbaı aýdanynda da qurǵaq shóp órtengen.
«Ǵalamat» shaǵyn aýdanynda taý bókterinde qýraǵan shóp órtenip jatty. Tehnıkanyń kirýi qıyn bolǵandyqtan, órt sóndirýshiler oqıǵa ornyna jaıaý kóterildi. «Ermak» aspaly órt sóndirgishteri, shansty quraldar (shartyldaqtar, kúrekter) paıdalanyldy. Qoldanylǵan sharalardyń arqasynda órttiń tutaný oshaǵy 20:28-de joıyldy. Qaza bolǵandar men zardap shekkender joq», - dep habarlady vedomstvodan.
Departament qala turǵyndary men qonaqtaryn dalada ot jaǵýdan, temeki shegýden jáne qurǵaq shóp pen orylǵan shópti órteýden bas tartýdy suraıdy.
«Kináli adamdar ákimshilik, al aýyr zardaptar týyndaǵan jaǵdaıda, qylmystyq jaýapqa tartylady. 30 naýryzdan bastap órt sóndirýshiler jalpy aýdany 8,5 myń sharshy metr bolatyn 25 órt oshaǵyn aýyzdyqtaýǵa jumyldyryldy», - dep eskertedi TJD.