Memleket basshysy Shveısarıa Konfederasıasynyń Prezıdenti bolyp saılanýyna oraı Gı Parmelanǵa quttyqtaý jedelhatyn joldady, - dep habarlaıdy Aqshamnews.kz.
Quttyqtaýda Gı Parmelannyń kóshbasshylyq qasıeti men eline qaltqysyz qyzmet etkeniniń arqasynda joǵary senimge ıe bolyp, osynaý bıik laýazymǵa qaıta saılanǵany jazylǵan.
Memleket basshysy Prezıdenttiń jańa merziminde halyqaralyq qatynastarda mańyzdy ról atqaratyn Shveısarıa damýdyń dańǵyl jolyn jalǵastyra beretinine senim bildirdi. Qasym-Jomart Toqaev Gı Parmelannyń jaýapty memlekettik qyzmetine tabys, al Shveısarıa halqyna baq-bereke tiledi.