Almaty qalasynyń ákimi Darhan Satybaldy Táýelsizdik kúni jáne Jeltoqsan oqıǵasynyń 39 jyldyǵy qarsańynda 1986 jylǵy jeltoqsanshylarmen kezdesti, dep habarlaıdy aqshamnews.kz
Ákim Almatynyń qoǵamdyq ómirine belsene úles qosyp júrgen jeltoqsanshylardyń patrıottyq ustanymyn, azamattyq pozısıasyn jáne ulttyq qundylyqtarǵa beriktigin atap ótti.
Kezdesý barysynda qatysýshylardy tolǵandyrǵan áleýmettik-turmystyq máseleler kóterilip, qosymsha áleýmettik qoldaý sharalary talqylandy. Sonymen qatar, Jeltoqsan oqıǵasynyń 40 jyldyǵyna oraı qatysýshylardyń usynystaryn eskere otyryp, keshendi eske alý is-sharalarynyń jospary ázirlenetin bolady. Ásirese ulttyq rýhty nyǵaıtýǵa jáne jastardy tárbıeleýge baǵyttalǵan tanymdyq ári patrıottyq bastamalarǵa basymdyq beriledi.
Kezdesý sońynda Darhan Satybaldy Memleket basshysy Qasym-Jomart Toqaevtyń bastamalaryn qoldap júrgeni jáne azamattyq qoǵamdy damytýǵa qosqan eleýli úlesi úshin jeltoqsanshylarǵa alǵys bildirdi. Ákim atap ótkendeı, qala ákimdigi, Máslıhat depýtattary jáne qoǵamdyq uıymdar júrgizilip jatqan reformalardy júzege asyrý jáne qalany damytý boıynsha birlesken jumysty jalǵastyrady.
Eske sala keteıik, Táýelsizdik kúnine oraı Respýblıka alańyndaǵy «Táýelsizdik» monýmentine jáne Jeltoqsan kóshesindegi «Táýelsizdik tańy» eskertkishine gúl qoıý rásimderi ótedi.