Almaty qalasyndaǵy Salben Group keńsesi – ulttyq bolmys pen zamanaýı stıldiń úılesimin tapqan erekshe etno-orta. Bul keńse kompanıa basshysy Almat Baqytjanuly tarıhqa degen shynaıy qurmetin, ulttyq mádenıetti kúndelikti ómirdiń ajyramas bóligine aınaldyrýǵa degen talpynysyn aıqyn kórsetedi. Osy maqsatpen Qoǵamdyq damý ortalyǵynyń ókilderi kompanıa keńsesine arnaıy baryp, ondaǵy erekshe rýhanı mánge toly etno-álemmen tanysyp qaıtty.
«Tarıh alystap ketkenimen, eger biz óz dástúrimizdi saqtap, keler urpaqqa amanattaı bilsek – ol máńgi ómir súredi», – deıdi Almatydaǵy qurylys salasynda eńbek etip kele jatqan kompanıa basshysy Almat Baqytjanuly. Bul qaǵıda keńsesiniń ár buryshynda aıqyn kórinis tabady.
2004 jyldan beri qyzmet etip kele jatqan kompanıanyń basty maqsaty – ulttyq mádenıetti zamanaýı keńistikpen úılestire otyryp, mádenı muranyń jańa formatta tynys alýyna múmkindik ashý.
Keregelerdiń kóne elementteri zamanaýı ıntereri ózgeshe tipti etno naqyshtaǵy baspaldaqtarda úılesim taýyp tur. Edende — tekemet, kıiz jáne ulttyq órnekti kilemder. Bul tek dekor emes, ótkenge degen qurmet, qazaqy úıdiń jylýyn sezindiretin erekshe atmosfera.
Zaldyń qaq ortasyndaǵy áınek ústeldiń astyna qamshy, ómildirik, qorjyn sekildi qazaq mádenıetiniń rámizdik buıymdary qoıylǵan.
Búginde Qazaqstannyń jalpyulttyq maǵynaǵa ıe úsh basty sımvoly saqtalǵan:
- Shańyraq - birliktiń sımvoly
- Dombyra - ulttyq rýhtyń sımvoly
- Abaıdyń qara sózderi - danalyq pen adamgershiliktiń sımvoly
Salben Group keńsesinde osynyń bári birtutas kompozısıaǵa aınalyp, zamanaýı bıznes-ortada etno-ortalyq deńgeıine saı keńistik qalyptastyrylǵan.
Ótkenniń izi alystasa da, dástúrdi jalǵastyrar urpaq barda – tarıh máńgi ómir súrmek.
Salben Group keńsesi – ulttyq mádenıettiń zamanaýı ómirmen úılesim taba alatynyn dáleldeıtin kórkem orta. Mundaǵy árbir detal dástúrdiń tereń tamyrynan syr shertedi, al zaman talabyna saı jasalǵan sheshimder ulttyq qundylyqtyń búgingi kúnde de ózektiligin kórsetedi. Osyndaı oryndar ulttyń rýhanı irgesin bekitip, mádenı jalǵastyqtyń óz úlgisin qalyptastyrady.