Fransıa prezıdenti Emmanýel Makron 2027 jyly ókilettik merzimi aıaqtalǵanǵa deıin 15–16 jasqa deıingi balalar men jasóspirimderge áleýmettik jelilerdi qoldanýǵa tyıym salýdy josparlap otyrǵanyn málimdedi, dep habarlaıdy aqshamnews.kz
Prezıdenttiń aıtýynsha, barlyq áleýmettik jelide jas tekserý júıesi engiziledi jáne belgilengen jas sheginen kishi tulǵalarǵa platformalarǵa kirýge tyıym salynady.
- Biz barlyq áleýmettik jelide jas tekserýdi júıesin engizemiz jáne ony 15–16 jas deńgeıinde belgileımiz. Bul jastan kishi adamdarǵa áleýmettik jelilerge kirýge ruqsat berilmeıdi… Osy (tıisti zań jobasy – red.) boıynsha daýys berý osy merzim aıaqtalǵanǵa deıin ótetinine men tolyq senimdimin, – dep jazdy Figaro prezıdenttiń sózin keltirip.
Makron sondaı-aq bul zań jobasynyń óziniń ókilettik merzimi aıaqtalǵanǵa deıin qabyldanatynyna senim bildirdi. Onyń aıtýynsha, úkimet atalǵan zań jobasyn 2026 jyldyń basynda usynyp, ony tez arada qabyldatýǵa kúsh salmaq. Buǵan deıin ol eger Eýropalyq odaq mundaı sheshim qabyldamasa, 15 jasqa deıingi jasóspirimder úshin bul tyıymdy ózi engizetinin aıtqan bolatyn.