Qambar ata GES-1 Qyrǵyzstandaǵy eń iri elektr stansıasy bolmaq.
2023 jylǵy 6 qańtarda Bishkek qalasynda QR Energetıka mınıstri Bolat Aqsholaqov, Qyrǵyz Respýblıkasynyń Energetıka mınıstri Taalaıbek Ibraev jáne Ózbekstan Respýblıkasynyń Energetıka mınıstri Jýrabek Mırzamahmýdov «Qambar ata GES-1 qurylysy» jobasyn iske asyrý jónindegi jol kartasyna qol qoıdy, dep habarlaıdy Almaty-akshamy.kz.
Qol qoıylǵan Jol kartasy sheńberinde taraptar jobany iske asyrýdyń negizgi sharttary týraly ýaǵdalasty jáne elektr stansıasyn ýaqtyly paıdalanýǵa berý úshin aldaǵy qadamdardy belgiledi.
Qazaqstannyń jobaǵa qatysýy Qazaqstan Respýblıkasynyń Prezıdenti Qasym-Jomart Toqaevtyń 2022 jylǵy mamyrda Qyrǵyzstanǵa resmı sapary barysynda qol jetkizilgen ýaǵdalastyqtar sheńberinde júzege asyrylady.
Qambar ata GES-1 Qyrǵyzstandaǵy eń iri elektr stansıasy bolmaq. Bul Ortalyq Azıa elderin elektr energıasymen qamtamasyz etýge jáne óńirdiń sýmen qamtamasyz etilýin turaqtandyrýǵa múmkindik beredi.