XX-shy qysqy Sýrdlımpıadada Qazaqstan erler qurama komandasy klasıkalyq shahmattan 10 upaı jınap, qola medalǵa ıe boldy.
Al jarystyń altyn júldesin 12 upaı jınaǵan Horvatıanyń sportshylary jeńdi, kúmis medal 11 upaı jınaǵan Polsha komandasyna buıyrdy, dep habarlaıdy almaty-akshamy.kz. Ulttyq qurama sapynda Sultan Qojahmetov, Samajan Kettebekov, Maksım Rojkov, Amangeldi Naýryzǵalıev, Meırman Perneev jáne Vıktor Maksımenko oınady.
«Klasıkalyq shahmattan jarys qyzý ótti, qarsylastarymyz osal bolmady. Oıyn barysynda elimizdiń sportshylary Italıa, Germanıa jáne Serbıa qurama komandalaryn jeńip, Ýkraına men Polsha komandalarymen teń oınap, tek Horvatıa komandasyna ese jibergen bolatyn. Jarystyń nátıjesinde komandamyz 7 týrdan ótip, on úsh komanda arasynda úshinshi orynǵa turaqtady», - dedi shahmattan aǵa jattyqtyrýshy Eldos Kúzerbaev.
Aıta keteıik, XX-shy qysqy Sýrdlımpıada Túrkıanyń Erzýrým qalasynda 2-12 naýryz aralyǵynda ótti. Jarysqa Qazaqstan atynan 26 sportshy (shahmattan, snoýbordtan jáne shańǵy jarysynan) qatysty.