Almatyda Naýryz meıramyn toılaý Kórisý kúni – Amal merekesin atap ótýden bastalady.
Bul kúni megapolıs turǵyndary men qonaqtary Kók Tóbege jınalyp, qystan aman-esen shyqqanyn aıtyp, bir-birin kóktemniń bastalýymen quttyqtaıdy, dep habarlaıdy almaty-akshamy.kz.
Ókpe-renishti artta qaldyrǵan halyq Amal merekesinde qol alysyp, tós qaǵystyrady, qarıalardan bata surap, qurmet kórsetedi, jaqsy tilekter aıtady.
Aıta keteıik, 14 naýryzda Kók Tóbede qala turǵyndary men qonaqtary úshin saǵat 10:00-de ashyq aspan astynda «Kóktóbedegi Amal kúni» atty merekelik konsert ótedi. Oǵan «Jigitter» toby, «Alataý serileri» toby, Móldir Áýelbekova, Aıgúl Qosanova jáne «Alataý» dástúrli óner teatrynyń ártisteri qatysady.