Qazaqstan men Qytaı arasyndaǵy reıster sany aptasyna 124 reıske deıin ulǵaıtylady

Sıan qalasynda Qytaı - Ortalyq Azıa azamattyq avıasıa salasyndaǵy yntymaqtastyq jónindegi jumys tobynyń birinshi konferensıasy sheńberinde (S5+1) Qazaqstan Respýblıkasynyń avıasıalyq bıligi men Qytaı Halyq Respýblıkasy arasynda kelissózder júrgizildi, dep habarlaıdy almaty-akshamy.kz.

Qazaqstandyq delegasıany Azamattyq avıasıa komıtetiniń tóraǵasy Saltanat Tompıeva, Qytaı delegasıasyn Qytaı azamattyq avıasıa ákimshiligi halyqaralyq qatynastar departamenti bas dırektorynyń orynbasary Baı Venlı bastady.

Kelissózder barysynda eki eldiń bekitilgen tasymaldaýshylarynyń ruqsat etilgen jıilikter sanyn aptasyna 124 reıske deıin ulǵaıtý jáne jıilikter boıynsha qandaı da bir shekteýsiz júk reısterin oryndaý múmkindigi jóninde ýaǵdalastyqqa qol jetkizildi.

Sonymen qatar tasymaldaýshylar sany artyp, Qytaı aýmaǵynda jańa pýnkter qosyldy.

Óz kezeginde qazaqstandyq avıakompanıalar Haınan aralyndaǵy (Saná, Haıkoý jáne Súnhaı qalalary) pýnkttrge, onyń ishinde besinshi, altynshy jáne jetinshi "aýa erkindigin" paıdalana otyryp, sheksiz reısterdi oryndaý quqyǵyna ıe boldy.

Kelissózder qorytyndysy boıynsha eki el arasynda alǵash ret "ashyq aspan" rejımi ornatyldy, onyń sheńberinde eki eldiń taǵaıyndalǵan tasymaldaýshylary "aýa erkindiginiń" besinshi dárejesin paıdalana otyryp, aptasyna 42 reıske deıin oryndaý quqyǵyna ıe boldy.

Aıta keterligi, Qazaqstan Respýblıkasy tasymaldaýshylary "aýa erkindiginiń" besinshi dárejesin paıdalana otyryp, Qytaıǵa reısterdi oryndaý quqyǵyna ıe bolǵan álemdegi sanaýly elderdiń biri (AQSH jáne birqatar Eýropa elderi) boldy.

Qytaı Qazaqstannyń kóptegen baǵyttar boıynsha strategıalyq seriktesi, osyǵan baılanysty elder arasyndaǵy reısterdi oryndaý úshin quqyqtyq bazany keńeıtý yntymaqtastyqty odan ári damytý úshin mańyzdy qadam bolyp tabylady.