Qasym-Jomart Toqaev olardy dıplomatıalyq mısıalarynyń resmı bastalýymen quttyqtady.
«Aqorda» rezıdensıasynda tórt eldiń tótenshe jáne ókiletti elshileriniń Memleket basshysyna senim gramotalaryn tapsyrý rásimi ótti, dep habarlaıdy Almaty-akshamy.kz
Senim gramotalaryn Qatar Memleketiniń elshisi Abdalla ben Hýseın Muhammed Djaber, Bolıvar Venesýela Respýblıkasynyń elshisi Rosalba Lo Býe Antıko, Kambodja Koróldiginiń elshisi Chea Sok, Býrýndı Respýblıkasynyń elshisi Jozef Nkýrýnzıza tapsyrdy.
Qasym-Jomart Toqaev elshilerdi Qazaqstandaǵy dıplomatıalyq mısıalarynyń resmı bastalýymen quttyqtap, olardyń memleketteriniń basshylaryna izgi tilegi men sálemin joldady.
«Biz salmaqty, syndarly, beıbit syrtqy saıasat júrgizip otyrmyz. Jaqyn arada atalǵan memlekettermen ózara yntymaqtastyqty damytýda jańa jetistikterge qol jetkize alamyz dep senemiz. Barshańyzdy taǵy da quttyqtaımyn. Sizderdiń Qazaqstandaǵy mańyzdy mısıalaryńyzǵa tabys tileımin», – dedi Prezıdent.