Bul ótken jyldyń sáıkes kezeńindegi kórsetkishten 27%-ǵa joǵary
4 mamyrda Qazaqstan Premer-Mınıstri Álıhan Smaıylov Ózbekstan Úkimetiniń basshysy Abdýlla Arıpovpen telefon arqyly sóılesti, dep habarlaıdy Almaty-akshamy.kz.
Áńgimelesý barysynda taraptar ekijaqty qarym-qatynasty tereńdetýdiń, onyń ishinde ózara saýda kólemin arttyrýdyń, ónerkásiptik kooperasıa men sý sharýashylyǵy salasyndaǵy yntymaqtastyqtyń ózekti máselelerin talqylady, delingen Úkimet basshysynyń Telegram arnasynda.
Álıhan Smaıylov osy jyldyń birinshi toqsanynyń qorytyndysy boıynsha eki el arasyndaǵy taýar aınalymy $1 mlrd asqanyn, bul ótken jyldyń sáıkes kezeńindegi kórsetkishten 27%-ǵa joǵary ekenin atap ótti.
Sondaı-aq taraptar «Ortalyq Azıa» halyqaralyq ónerkásiptik kooperasıa ortalyǵyn iske qosý sekildi buǵan deıin qol jetkizilgen ýaǵdalastyqtardy júzege asyrý máselelerin qarady.