Áskerı bilim berý, radıasıalyq, hımıalyq jáne bıologıalyq qorǵaý, jaýyngerlik daıarlyq, áskerı barlaý máseleleri sóz boldy.
Abý-Dabıde Qazaqstan Respýblıkasy men Birikken Arab Ámirlikteriniń Birlesken áskerı komısıasynyń kezekti otyrysy ótti, dep habarlaıdy Almaty-akshamy.kz
QR Qorǵanys mınıstrligi baspasóz qyzmetiniń málimetinshe, komısıa otyrysyna Qazaqstan Respýblıkasy Qorǵanys mınıstrligi Halyqaralyq yntymaqtastyq departamentiniń bastyǵy polkovnık Oljas Qusaıynov pen Birikken Arab Ámirlikteri Qorǵanys mınıstrligi Halyqaralyq qatynastar basqarmasynyń bastyǵy avıasıanyń brıgadalyq generaly Muhammad Ál-Mazrýı qatysty.
Taraptar áskerı bilim berý, radıasıalyq, hımıalyq jáne bıologıalyq qorǵaý, jaýyngerlik daıarlyq, áskerı barlaý jáne áskerı-tehnıkalyq saladaǵy yntymaqtastyqtyń jaı-kúıi men damý kókjıegin talqylady. Kelissózder nátıjesinde Qazaqstan men Birikken Arab Ámirlikteriniń qorǵanys vedomstvolary arasyndaǵy 2022 jylǵa arnalǵan áskerı yntymaqtastyq josparyna qol qoıyldy.