Depýtattar jumysynda jańa stıl men mazmun paıda bola bastady. Bul týraly AMANAT partıasynyń sezinde Prezıdent Qasym-Jomart Toqaev málim etti, dep habarlaıdy almaty-akshamy.kz
«Qajet bolǵanda, Úkimettiń naqty músheleri men ákimderge qatysty senim máselesin kóterý kerek. Barlyq deńgeıdegi partıa depýtattarynyń reıtıńi bárinen buryn daıyndalǵan esepterge emes, naqty isterge, azamattardyń problemalaryn sheshýge negizdelýi tıis», - dedi Qasym-Jomart Toqaev partıanyń kezekten tys sezinde.
Prezıdenttiń sózine qaraǵanda, barlyq saılaý okrýgterinde fraksıalar depýtattary arasynan kýratorlar bekitý qajet. Bul qadam olardyń jaýapkershilik aýmaǵyn keńeıtýde mańyzdy.
«Jaqynda Májilis depýtattary óńirlerdegi saparlarynan oraldy. Men bul jumystyń barysyn baıqap otyrdym. Osy oraıda depýtattar jumysynda jańa stıl men mazmun paıda bola bastady, onyń barlyǵy kórinip tur. Formaldy otyrystar sany azaıyp, saılaýshylarmen tikeleı kezdesýler kóbeıdi. Depýtattar jergilikti jerlerdegi azamattardyń naqty problemalaryn zerdeleı bastady. Osyndaı qadamdardy barynsha nyǵaıtyp, damyta túsýimiz kerek», - dedi Memleket basshysy.