«SOS» túımeleri kómekke keledi.
Bul týraly onlaın brıfıńte İshki ister mınıstrligi aqparattandyrý jáne baılanys departamentiniń bas mamany Ádil Sársenov málimdedi, dep habarlady Almaty-akshamy.kz.
«Zańǵa qaıshy áreketter nemese tótenshe jaǵdaılar týyndaǵan kezde «SOS» túımeleri kómekke keledi. Qazir elimizde 114 osyndaı qurylǵy ornatylǵan. Qyzmettik jumysty sıfrlandyrýdyń mańyzdy jobalarynyń biri – Bas Prokýratýranyń Quqyqtyq statısıka jáne arnaıy esepke alý komıtetimen birlesken qylmystyq is júrgizýdi elektrondyq formatta júrgizý jobasy. Búginde tergeýshiler men anyqtaýshylardyń barlyq jumys oryndary qajetti tehnıkamen, qural-jabdyqtarmen jabdyqtalǵan. Tıisti baılanys arnalary uıymdastyrylǵan», – dedi Ádil Sársenov.
Departamenttiń bas mamany «102» mobıldi qosymshasynyń telefon arqyly túsetin qońyraýlardan bólek, áleýmettik jeli arqyly túsetin málimetterdi de tirkeıtinin aıtady.
«102 mobıldi qosymshaǵa tirkelý arqyly azamattar jedel basqarý ortalyǵynyń jelisi boıynsha habarlama qaldyra alady. Jol-kólik oqıǵalary, jol erejelerin buzý, bala kezinde kýá bolǵan zańǵa qaıshy oqıǵa, turmystyq zorlyq-zombylyq týraly pen birge foto jáne beınematerıal qosa bere alady. Qazirgi tańda «102» qosymshasyn 53 myńnan astam qoldanýshy júktegen. Qosymsha jumys isteı bastaǵannan beri 128 myńǵa jýyq habarlama kelip tústi. Onyń ishinde Telegram arqyly 5610, Facebook arqyly 3914, Vkontakte arqyly 484, İİM saıty arqyly 20367 habarlama joldanǵan», – dedi Ádil Sársenov.
Mınıstrlik ókiliniń aıtýynsha, atalmysh qosymshanyń kómegimen kez kelgen avtokóliktiń VIN jáne memlekettik tirkeý nómirin engizip, kólik quralynyń tarıhy týraly aqparat alýǵa bolady. Bul qyzmet iske qosylǵan sátten bastap azamattardan 5 myńdaı suraý túsken.