Prezıdentten hat alǵan oqýshy
Jambyl oblysy Jambyl aýdanyna qarasty Jasórken aýylyndaǵy «Móldir» balabaqsha-mektep gımnazıasynyń 2-synyp oqýshysy Jibek Isabek jýyrda Qasym-Jomart Toqaevqa júrekjardy tilegin jazǵan edi, dep habarlaıdy Almaty-akshamy.kz.
Sabaq úlgerimi jaqsy, ozat oqýshylardyń biri – Jibektiń júregi de meıirimge toly. Onyń haty Memleket basshynyń qolyna tıgen. Prezıdent Jibekke jazǵan jaýabynda hatty asa rızashylyqpen oqyǵanyn aıtyp, oǵan noýtbýk tartý etken.
«Maǵan joldaǵan ystyq lebiziń úshin rahmet. Seniń erteńgi kúni úlken azamat bolyp ósip, elimizdiń parasatty perzenti atanatynyńa kámil senemin. Bizdiń búgin qolǵa alyp jatqan jumysymyzdyń barlyǵy da jarqyn bolashaǵymyzdyń ıesi – ózderińe arnalady. Sondyqtan sabaǵyńdy úzdik oqyp, ustazdaryń men anańnyń bergen tálim-tárbıesin boıyńa sińirip, maqsatqa umtylýdan jalyqpa. Otbasyńnyń qashan da maqtanyshy bolyp, jetistikterge jete ber, aınalaıyn! Anań men baýyryńa menen sálem», – dep jazdy Qasym-Jomart Kemeluly.