FIBA 3h3 basketbolynan álemdik týrdyń kezekti kezeńi 13-14 maýsym kúnderi Almaty qalasynyń ortalyǵyndaǵy Respýblıka Saraıynda ótedi. Basketboldan halyqaralyq federasıanyń sporttyq kúntizbesindegi bedeldi sharasyna 12 basketbol komandasy qatysady. Onyń ekeýi qazaqstandyq komandalar. 3h3 basketboly 2010 jyldan beri olımpıadalyq sport túrine jatady, dep habarlaıdy almaty-akshamy.kz.
Bizdiń sportshylar álemdik basketbol tarıhynda alǵash ret joǵary deńgeıli jarystarǵa qatysqaly otyr. Qazaqstan - World Tour deńgeıindegi týrnırdi ótkizetin Ortalyq Azıadaǵy birinshi el. Almatyǵa 10 eldiń komandalary keledi. Onyń ishinde Qytaı, Shveısarıa, Pýerto-Rıko, Mońǵolıa, Serbıa, Avstrıa, Lıtva jáne basqa da eldiń sportshylary bar.
«Almaty qalasy ekonomıkalyq ósimmen qatar, sportty sharalar ótetin aımaq! Osy jyly eń bedeldi FIBA 3h3 Álemdik týr saıystaryn ótkizgeli otyr. Jarys Respýblıka Saraıynyń aldyndaǵy alańda ótedi. Onda kórermenderge arnalǵan minberleri, shatyry bar arnaıy kort ornatylady.
Jarystardy kórý tegin. Tek erterek kelýdi suraımyz, sebebi minberlerdegi oryn sany shekteýli. Qazaqstan atynan eki komanda qatysady. Sondyqtan, barshańyzdy otandyq sportshylardy qoldaýǵa shaqyramyn! Almaty – rýhy bıik, oıy sergek, sportqa qumar adamdar qalasy. Ákimdik osyndaı keremet bastamany qoldap jatqanyna qýanyshty»,-deıdi Almaty qalasy sport basqarmasy basshysynyń orynbasary Bekjan Onjan.
3h3 basketboly – burynǵy strıtbol – 1950 jyldary AQSH-tyń kedeı aýdandarynda paıda bolǵan basketbol túri. Ádettegi basketboldan aıyrmashylyǵy – oıynǵa 3 adam ǵana qatysyp, alańnyń jartysynda ǵana oınaıdy. Saqına tek bireý ǵana bolady. Strıtbol sporttyń resmı túrine aınalǵannan keıin, erejeler rettelip, sál ózgerdi. 2010 jyldan bastap 3h3 basketboly sporttyń olımpıadalyq túri sanalady.
World Tour 3h3 FIBA – erler arasyndaǵy basketbol komandalarynyń qatysýymen ótetin halyqaralyq týrnır. Oǵan túrli qala qatysady. Jyl saıyn jeltoqsan aıynda 15 oıyn kezeńi men grand-fınal ótedi. 2024 jyly World Tour-dy Lozanna, Marsel, Shyńjań, Gonkong, Ábý-Dabı jáne basqa da iri megapolıster qabyldaıdy.
«World Tour jarystaryna qatysý úshin komandalarǵa uzaq daıyndyq pen halyqaralyq deńgeıdegi irikteý kezeńderinen ótý kerek. Qazaqstandyq komandalar buǵan deıin mundaı bedeldi jarystarǵa qatyspaǵan. FIBA-men áriptestiktiń arqasynda Qazaqstanǵa oıyndardy ótkizetin el retinde Almatydaǵy álemdik týr kezeńine úsh slot bólindi. Biz uıymdastyrýshylar retinde, bir slotty ashyq týrnırde utysqa saldyq. Onda Atyraý komandasy jeńiske jetti. Qalǵan eki slotty basketboldan Ulttyq federasıa sarapqa saldy. Nátıjesinde, bir joldamany Almaty, ekinshisin Qyrǵyzstan komandasy ıedendi», - dedi WT Almaty-2024 týrnıriniń uıymdastyrýshysy «Pilot Sport» jobalyq tobynyń jetekshisi Pavel Shegaı.
World Tour týrnıri alǵash ret Ortalyq Azıada ótedi. FIBA 3h3 basqarýshy dırektory Aleks Sanchez 2023 jyly Almaty Quest týrnırinde bolyp qaıtqannan keıin, FIBA jarystardy Qazaqstanda ótkizýdi uıǵardy. FIBA Almaty Quest týrnıriniń uıymdastyrý deńgeıin joǵary baǵalap, Almatyda odan da bedeldi jarysty ótkizýdi usyndy.
Negizgi oıyndardan basqa baǵdarlamada úsh upaıly laqtyrý saıysy (Shoot Out Contest) jáne joǵarydan dom laqtyrý jarysy (Dunk Contest) bar.
Shoot Out jarysyna týrnırdiń basty quramyndaǵy barlyq komandalar qatysa alady. Dunk Contest jarysyna kásib basketbolshy-dankerler qatysady (basketboldaǵy bólek baǵyt). Joǵarydan dop laqtyrý — qyzyqty kóriniske toly saıystardyń biri. Árbir danker joǵarydan dop laqtyryp, saqınaǵa kirgize alady. Olardy qazylar alqasy baǵalaıdy.
World Tour Almaty trnıri tikeleı efırde «Qazsport» telearnasy jáne FIBA YouTube arnasynan kórsetiledi https://www.youtube.com/fiba
2024 jyldyń 12-14 shildesine arnalǵan keste
12 shilde (juma) Novotel Almaty City Center qonaq úıi (Dostyq dańǵyly 104, Respýblıka alańy).
• 12.00-13.00 start aldyndaǵy baspasóz konferensıasy (FIBA ókili + Atyrau komandasynyń kapıtany + uıymdastyrýshylar).
-14.00-15.00 3h3 álemdik basketbol juldyzdarynyń jankúıerlermen kezdesýi
13 shilde (senbi), Respýblıka alańy
• 15.00 biliktilik
• 15.30 ashylý saltanaty
• 16.00-21.30 negizgi top oıyndary
14 shilde (jensenbi), Respýblıka alańy
• - 17.15 ShootOut Contest jáne Dunk Contest (úsh upaılyq konkýrstar)
• 18.00-22.00 play off oıyndary
• 22.30 marapattaý rásimi