Jasandy ıntellekt ınstıtýtyna 100 grant bólingen.
Endi qazaqstandyq stýdentter jasandy ıntellekt baǵyty boıynsha Seýl ulttyq ǵylym jáne tehnologıa ýnıversıtetinde bilim alady, dep habarlaıdy Almaty-akshamy.kz
Ǵylym jáne joǵary bilim mınıstrliginiń málimetinshe, Qorqyt Ata atyndaǵy Qyzylorda ýnıversıteti SeýlTehpen birlesip, LUPIC jobasy aıasynda jasandy ıntellekt ınstıtýyn qurǵan.
Búginde Informatıka, Aqparattyq júıeler, Kıber qaýipsizdik, Kompúterlik baǵdarlamalaý bilim berý baǵdarlamalaryna qabyldaý júrip jatyr. Bul maqsatqa 100 grant bólingen.
Bul óz kezeginde bizdiń bilim alýshylarymyzǵa Seýl ulttyq tehnologıalar ýnıversıtetiniń eń myqty degen jasandy ıntellekt baǵdarlamalarymen myqty profesorlarynan tálim alýǵa múmkindik beredi,-dedi Jasandy ıntellekt ınstıtýtynyń dırektory Nurlan Qulmyrzaev.
Ońtústik Koreıa prezıdentiniń Qazaqstanǵa resmı sapary barysynda Seýl ulttyq Ǵylym jáne tehnologıalar ýnıversıteti men Qyzylorda ýnıversıteti arasynda «Qos dıplom baǵdarlamasy boıynsha kadr daıarlaý týraly» kelisimge qol qoıyldy. Endi keler jyldan bastap, qos dıplomdy baǵdarlama iske qosylady.