2016-2022 jyldar aralyǵynda "Qazaqfılm" kınostýdıasyna kıno shyǵarý jáne prokattaý maqsatynda bólingen 14,5 mlrd teńgeniń tek 4,8%-y ǵana aqtalǵan. Bul týraly senator Bekbolat Orynbekov málimdedi, dep habarlaıdy almaty-akshamy.kz.
Mádenıet jáne aqparat mınıstrligi 165 mlrd teńge búdjetimen birneshe ret túzetýler engizgenine qaramastan, shamamen 2 mlrd teńgeni ıgermegen. Senatordyń aıtýynsha, qarajatty paıdalanýdyń tıimsizdigi kóptegen jyldar boıy otandyq kınematografıa salasynda da baıqalady. Mysaly, "Árýaq" kınofılmine 300 mln teńge jumsalǵanymen, tabysy nebary 7 myń teńgeni quraǵan. Al "Kompozıtor" kınosyna 1,2 mlrd teńge baǵyttalǵanymen, onyń tabysy 400 myń teńgeden aspaǵan.
Ulttyq kınony memlekettik qoldaý ortalyǵynyń málimetterine sáıkes, 2019-2023 jyldary búdjeti 6,7 mlrd teńgeni quraǵanymen, prokattan túsken kiris bar bolǵany 1,1 mlrd teńge bolǵan.
Taǵy bir búdjetti tıimsiz jumsaǵan mınıstrlik – Ekologıa jáne tabıǵı resýrstar mınıstrligi. Onyń 11,4 mlrd teńge kólemindegi shyǵyndary segiz ret túzetilgenine qaramastan, tıimsizdik 7,7 mlrd teńgeni quraǵan.
Jalpy esepti jyly búdjet qarajatynyń 73,3 mlrd teńgesi ıgerilmeı qalǵan.
Bul keltirilgen málimetter memlekettik qarajattyń durys paıdalanylýynyń mańyzdylyǵyn kórsetedi. Qarajattyń tıimsiz jumsalýy qoǵam damýyna keri áserin tıgizetinin umytpaýymyz qajet.