Eńbek mınıstrliginiń basshysy qazaqstandyqtardyń synyna jaýap berdi.
Svetlana Jaqypova Qurban aıt merekesine baılanysty demalys kúniniń joıylýyn túsindirdi, dep habarlaıdy Almaty-akshamy.kz
Eńbek mınıstrliginiń basshysy jyl saıyn jyl sońynda mınıstrlik barlyq memlekettik organdardan mereke kúnderi týraly aqparatty suraıtynyn atap ótti. Sol kezde QMDB Qurban aıttyń birinshi kúni 17 maýsym bolatynyn jarıalap, soǵan sáıkes kúntizbe qurastyryldy.
"Sonymen birge, QMDB-nyń hatynda bul kún kúntizbege baılanysty ózgerýi múmkin ekendigi týraly eskertpe bar edi, bizge Qurban aıttyń bastalýyna eki apta qalǵanda birinshi kún 16 maýsym bolatyny týraly resmı hat keldi. Zańǵa sáıkes bul kún demalys kúnine sáıkes keledi", - dedi Eńbek jáne halyqty áleýmettik qorǵaý mınıstri Svetlana Jaqypova.
2024 jylǵa bekitilgen kúntizbe boıynsha Qurban aıt 17 maýsymǵa sáıkes kelgendikten, bul kún demalys kúni bolyp jarıalandy. Alaıda 7 maýsymda Qazaqstan musylmandary dinı basqarmasy Qurban aıttyń birinshi kúni jeksenbi, 16 maýsymǵa sáıkes keletinin habarlady.
Budan keıin Eńbek mınıstrligi demalys kúnderine keletin dinı merekelerdi keıinge qaldyrýǵa bolmaıtynyn, sondyqtan 17 maýsymdaǵy demalys kúni joıyldy dep málimdedi.