Atalǵan kóshe qıylysy boıynsha eki baǵytta da kólik qozǵalysy jabylady.
21 maýsymda saǵat 23.00-den 22 maýsymdaǵy saǵat 09.00-ge deıin Almatydaǵy Medeý aýdanynda Qurmanǵazy men Dostyq kósheleriniń qıylysynda avtokólik úshin qozǵalys jabylady, dep habarlaıdy almaty-akshamy.kz.
Ýaqytsha shekteýler atalǵan kóshe qıylysy bóligindegi kólik júretin jol bóliginiń astynan ótetin, 1986 jyldan beri paıdalanýǵa berilgen uzyndyǵy 305 metrlik qubyrdy jańǵyrtý ýchaskesinde josparly jumystardyń júrgizilýiniń qaýipsizdigin qamtamasyz etý úshin engizilip otyr.
Bul qubyr 5 kópqabatty turǵyn úıdi jáne taǵy basqa 4 nysandy jylýmen jáne ystyq sýmen qamtamasyz etedi. Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
«Almaty jylý júıesi» JSHS