Kóshbasshylyq, turaqtylyq pen ilgerileý – Táýelsiz Qazaqstannyń qalyptasýynyń, damýynyń jáne nyǵaıýynyń negizinde jatqan mańyzdy uǵymdar
Bul týraly QR Parlamenti Májilisiniń Tóraǵasy Nurlan Nyǵmatýlın el Táýelsizdiginiń 30 jyldyǵyna arnalǵan halyqaralyq konferensıada málimdedi, dep habarlaıdy Almaty-akshamy.kz Qazaqtv.com saıtyna silteme jasap.
Óz sózinde ol Qazaqstannyń Ortalyq Azıa elderiniń ishinde birinshi bolyp BUU-nyń Qaýipsizdik Keńesine turaqty emes múshe bolǵanyn erekshe atap ótti. Nurlan Nyǵmatýlın Elbasy Nursultan Nazarbaev bastaǵan saıasatty Memleket basshysy Qasym-Jomart Toqaevtyń sátti júzege asyryp jatqanynyn da tilge tıek etti.
«Elbasymyz Nursultan Nazarbaev 30 jyldyń ishinde ekonomıkasy myqty, qoǵamy turaqty, halqy tatý, mártebesi bıik táýelsiz Qazaqstannyń irgetasyn qalady. Ony odan ári nyǵaıtý úshin Memleket basshysy Qasym-Jomart Toqaev saıası, áleýmettik-ekonomıkalyq reformalardy qolǵa alyp, naqty strategıalyq mindetter qoıdy. Biz bir el, bir halyq bolyp osy alǵa qoıǵan maqsattarymyzǵa abyroımen jetemiz dep senemin», - dedi QR Parlamenti Májilisiniń Tóraǵasy Nurlan Nyǵmatýlın.
Qazaqstan-Reseı yntymaqtastyǵy artyp keledi.
Sonymen qatar konferensıaǵa sheteldik jáne qazaqstandyq kórnekti memleket, saıası jáne qoǵam qaıratkerleri, ǵalymdar men sarapshylar qatysty. RF Memlekettik Dýmasy Tóraǵasynyń birinshi orynbasary Aleksandr Jýkovtyń aıtýynsha, Qazaqstan – búkil Eýrazıadaǵy ıntegrasıalyq úderisterdiń lokomotıvi. Táýelsizdik jyldarynda elimiz úlken ekonomıkalyq serpilis jasaı aldy. Atap aıtqanda, kórshiles eldermen taýar aınalymynyń kólemi jyl saıyn artyp, birlesken kásiporyndar iske qosylyp, eńbek kóshi-qony damyp keledi. Qazaqstan álem moıyndaǵan kóshbasshy elderdiń qatarynda.
«Qazaqstan memleket retinde qalyptasty dep nyq senimmen aıtýǵa bolady. Biz Qazaqstannyń álemdik qoǵamdastyqtyń tolyqqandy belsendi múshesi bola otyryp, beıbitshilik pen kelisimdi saqtaýǵa baǵyttalǵan kópvektorly syrtqy saıasatty ustanatynyn kórip otyrmyz. Onyń artynda beıbitshilikti saqtaý men turaqty damý negizderi bar. Bul bastamalar Qazaqstanyń álemdik arenadaǵy bedelin aıshyqtady», - dedi RF Memlekettik Dýmasy Tóraǵasynyń birinshi orynbasary Aleksandr Jýkov.