Qazaqstan boksynda jańa qurama jasaqtalady, dep habarlaıdy Aqshamnews kz
Belgili boksshy elge oralyp, ulttyq quramaǵa rezervtik komanda qurýǵa kiristi. Prezıdenttiń tapsyrmasy jáne Sport jáne týrızm mınıstriniń shaqyrýymen elge qaıtqan maman jas boksshylardy daıyndaý mindetin aldy. 12-19 aqpan aralyǵynda 18-22 jas aralyǵyndaǵy sportshylar arasynda irikteý chempıonaty ótedi. Jeńimpazdar men júldegerler jańa rezervtik quramanyń negizin qurap, bilikti jattyqtyrýshynyń jetekshiligimen jattyǵady.
Rezervtik quramanyń maqsaty qandaı?
Jattyqtyrýshynyń aıtýynsha, ulttyq quramanyń qazirgi jaǵdaıy Olımpıada men Azıa chempıonattarynda aıqyn kórindi. Básekelestiktiń azdyǵy sportshylardyń álsireýine sebep bolyp otyr. Sondyqtan ár salmaqtaǵy myqtylarǵa qatty básekeles bolatyn rezerv daıyndaý – basty maqsat.
"Bizdiń kezimizde ulttyq quramada Serik Sapıev, Gennadıı Golovkın, Baqtıar Artaev, Serik Eleýov, Qanat Ábýtálipov sıaqty kil myqtylar boldy. Bir salmaqta 5-6 úzdik boksshy básekege túsetin. Sol kezde ulttyq qurama "ákeniń tóri" emes ekenin bári biletin. Kishkene bosańsysań, ornyńdy basqa myqty basatyn. Sol atmosfera Olımpıada jáne álem chempıondaryn daıyndap shyǵardy", – deıdi boks mamany.
Jańa býynnyń múmkindigi qandaı?
Búgingi tańda sportshylar úshin barlyq jaǵdaı jasalǵan. Jattyqtyrýshy birneshe sport bazasyn aralap kórgenin, qazirgi jattyǵý ınfraqurylymy burynǵymen salystyrýǵa kelmeıtinin aıtady. Boksshylarǵa tek nátıje kórsetý ǵana qaldy.
Alaıda bir másele – qazaq boksynyń dástúrli stıli joǵalýǵa jaqyn. Sońǵy 10-15 jylda qazaq boksyndaǵy taktıka, tehnıka men fılosofıa túbegeıli ózgergen. Bul baǵytta belgili bapker óziniń avtorlyq ádistemesin engizip, olımpıada shyńyn baǵyndyra alatyn boksshylardy tárbıelemek.
Jattyǵý prosesi qalaı ótedi?
Bapkerdiń aıtýynsha, onyń jattyǵýlary jeńil bolmaıdy. Sondyqtan bul rezervtik quramaǵa tek:
- Júreginde túgi bar
- Kózinde oty bar
- Jeńiske degen ambısıasy bıik
- Jattyǵýdan sharshamaıtyn
- Olımpıada chempıony bolýdy armandaıtyn
sportshylar ǵana irikteledi.
"Men olarǵa baıaǵy qazaq stılin qaıta úıretemin. Ózimniń tehnıkammen bólisip, olımpıada shyńyna jetkizýge barymdy salamyn", – deıdi bas bapker.
Jańa rezervtik qurama – qazaqstandyq boksty qaıta túletýge baǵyttalǵan mańyzdy joba. Eger jastar bul múmkindikti tıimdi paıdalanyp, aıanbaı ter tókse, aldaǵy Olımpıada oıyndarynda el namysyn qorǵaıtyn jańa chempıondar shyǵary anyq..