Alyp shahardyń jumys kúni qyz-qyz qaınap jatsa, demalysy da qyzyqty ótedi.
Aqshamnews.kz saıty oqyrmandarǵa demalysta tegin kirýge bolatyn sharalar tizimin usynady.
"Ormannyń ekinshi beti” kórmesi Jas bolsa da, álemge tanylyp úlgergen sýretshi Lý Lın zamanaýı qytaı keskindemesiniń avtorlyq úlgisin usynady. Onyń jumystary qytaı mentalıteti men álemdik mádenıettiń sıntezine negizdelgen. Sýretshiniń týyndylary álemniń kóptegen belgili galereıalaryna qoıylǵan. Al bul kórme Qazaqstanda alǵash ret uıymdastyrylyp otyr. Orny: Almaty Gallery, Dostyq dańǵyly, 44 Kúni: 8 jáne 9 aqpan, 11:00 – 19:00
“Tańbalar” kórmesi. Bul — Alına Avdonınanyń ónerden de bıik turatyn biregeı jobasy. Munda ol ár adamǵa úndeý joldap, ishki janaıqaıy arqyly kómek suraıdy. Sýretshi Qazaqstandaǵy toǵandar men saıabaqtarda jınalǵan plasıkten jáne basqa da qaldyqtardan kartınalar jasaıdy. Árbir kartına tek sulýlyq emes, sonymen qatar tereń maǵyna, tabıǵatymyzdy qorǵaýdyń mańyzdylyǵyn eske salady. Ornalasqan jeri: Ular Gallery, Panfılov, 92 Kúni: 8 aqpan, 12:00 – 18:00
Kónkı tebý Barshańyzdy Almatydaǵy eń úlken muz aıdynynda kónkı tebýge shaqyramyz! Óz kónkıińizben keletin bolsańyz, syrǵanaý tegin. Sondaı-aq jaqyn jerde kónkıdi jalǵa berý (baǵasy — 1500 teńge) qyzmeti de bar. Ótetin oryndary: Naýryzbaı aýdany ákimdigi aldyndaǵy alań (mkr. “Shuǵyla”, 347) jáne Almaty Arena (mkr. “Nurkent, 7) Kúni: 8 jáne 9 aqpan, 10:00-22:00
"Álemniń bir negizi” kórmesi Katerına Nıkonorovanyń týyndylary kórermendi ýaqyt keńistigine saıahatqa jetelep, tabıǵat pen órkenıet arasyndaǵy baılanys týraly tereń oıǵa batyrady. Qazaqstandyq sýretshi Katıpa apaı esimimen de tanymal. Onyń shyǵarmashylyǵy ejelgi táńirshildikke tamyr tartyp, rýhanı ótken men búgingi ómirdi astastyrady. Ornalasqan jeri: Esentai galereıasy, Ál-Farabı dańǵyly, 77/8 (Esentai Mall, 3 qabat) Kúni: 8 jáne 9 aqpan, 10:00 – 20:00
Saıd Atabekovtyń “Myń salt attynyń duǵasy” kórmesi Qazaqstannyń zamanaýı ónerinde jetekshi oryn alatyn sýretshilerdiń biri týyndylary arqyly dástúr men zamanaýı qundylyqtardy, sondaı-aq dástúrdiń mádenı biregeılikti qalyptastyrýdaǵy rólin zertteıdi. Onyń týyndylary kórermenderdi ótkenge, búginge jáne bolashaqqa oı júgirtýge shaqyryp, jahandyq ózgerister jaǵdaıynda ulttyq sana men mádenı kodtardyń ózara baılanysyn zerdeleıdi. Ornalasqan jeri: Aspan Gallery, Ál-Farabı dańǵyly, 140 a/3 Kúni: 8 jáne 9 aqpan, 12:00 – 18:00
"Muzdy aspan" kórmesi Sýretshi Elvıra Grıgorán óz jumysynda eki beıneleý tilin – keramıka men fotosýretti biriktiredi. Ónerdiń bul tásilderi aspandy túsinýge arnalǵan quralǵa aınalady — ol jaqyn ári alys, dereksiz jáne naqty, ózgermeli ári máńgilik bolyp keledi. Ótetin orny: “Óner” art-keńistigi, Shevchenko kóshesi, 51 Kúni: 8 jáne 9 aqpan, 10:00 – 19:00