Prezıdent Qasym-Jomart Toqaev «Altyn sapa» jáne «Paryz» syılyqtarynyń ıegerlerin marapattaý saltanatynda sóılegen sózinde mıkro jáne shaǵyn bıznesti tekserýge jarıalanǵan moratorıı taǵy bir jylǵa ne úshin uzartylǵanyn aıtty, dep habarlaıdy almaty-akshamy.kz QazAqparatqa silteme jasap.
«Kásipkerlerge qarsy qozǵalǵan árbir altynshy is, bul 312 istiń 59-y degen sóz, qylmystyq zańsyzdyqtyń bolmaýyna baılanysty toqtatyldy. Bıyldan bastap azamattyq tártipti shaǵymdanýdyń búkil joldary túgesilgenshe qylmystyq is qozǵaýǵa tyıym engizildi», - dedi Qasym-Jomart Toqaev.
Sondaı-aq, Memleket basshysy kásipkerlerdi qorǵaýdyń júıeli tetikteri engizile beretinin atap ótti.
«Ótken jyldardyń jaǵymdy qorytyndysyna súıene otyryp, men mıkro jáne shaǵyn bıznesti tekserýge jarıalanǵan moratorııdi taǵy bir jylǵa uzartý týraly sheshim qabyldadym. Tıisti Jarlyqqa qol qoıyldy. Biz kásipkerlerdi qorǵaýdyń júıeli mehanızmderin engizýdi sózsiz jalǵastyramyz», - dedi Prezıdent.